Fios mun Bhòrd

Dleastanas

Tha dleastanas MG ALBA ga chur an cèill ann an Achd a’ Chonaltraidh 2003, Achd Craolaidh 1990 agus Achd Craolaidh 1996.

Tha uallach air a’ bhòrd a bhith a’ cur air dòigh ro-innleachd aig ìre àrd agus a’ dealbh, ag ath-sgrùdadh agus a’ moladh phoileasaidhean agus chleachdaidhean gus am faigh iad amasan ro-innleachdail na buidhne a choileanadh.

A thuilleadh air beachdachadh air na h-amasan ro-innleachdail iomlan nì am Bòrd measadh air na prionnsabalan a tha a’ riaghladh raointean obrachaidh mar mhaoineachadh, pròiseactan, trèanadh, goireasan, seirbheisean bho muigh, feuman luchd-cleachdaidh agus dàimh luchd-earrainn.

Tha riaghailtean mu obair Bòrd agus Comataidhean MG ALBA gan cur an cèill sna Gnàth-riaghailtean.

Tha Cathraiche agus Buill MG ALBA fo smachd Còd Giùlain nam Ball.

Comataidh Sgrùdaidh is Dearbhaidh

’S e obair Chomataidh Sgrùdaidh & Dearbhaidh comhairle a thoirt don Bhòrd gu bheil siostaman iomchaidh riaghladh, in-smachd agus measadh chunnartan air an cuir an sàs taobh a-staigh MG ALBA.

Stèidheachadh agus Ballrachd

• Coinneachadh dà uair co-dhiù gach bliadhna agus aon uair air a’ char as lugha le sgrùdairean bho muigh.
• Feumaidh co-dhiù 3 buill de MG ALBA a bhith air a’ Chomataidh Sgrùdaidh is Dearbhaidh agus gun Chathraiche MG ALBA no comataidh sam bith eile MG ALBA a bhith air gin dhiubh.
• Feumaidh aon bhall co-dhiù den Chomataidh Sgrùdaidh is Dearbhaidh a bhith eòlach air obair ionmhasail no faodar comhairleach ionmhais neo-eisimeileach a cho-thaghadh.
•  ’S e ball den luchd-obrach a bhios na rùnaire air a’ chomataidh.

Dleastanasan

Tha raon-ùghdarrais Comataidh Sgrùdaidh & Dearbhaidh mar a leanas:

•  Ath-sgrùdadh a dhèanamh air in-smachd agus comhairle a thoirt don Bhòrd air raon agus giùlain sgrùdadh in-taigh sam bith
• Moladh a dhèanamh air cur an sàs poileasaidhean cunntasachd agus aonta den Aithisg Riaghlaidh anns an Aithisg Bhliadhnail
• Comhairle a thoirt don Bhòrd air taghadh, cuir an dreachd, cuir a-mach à dreuchd agus tuarastail an luchd-sgrùdaidh on taobh a-muigh, a’ measadh èifeachdas an luchd sgrùdaidh agus raon an cuid obrach
•  Sgrùdadh a dhèanamh air gnìomhan na manaidsearan gus na molaidhean sgrùdaidh a chaidh aontachadh air riaghladh, measadh chunnartan agus smachd a chuir an sàs
• Dèanamh cinnteach gu bheil poileasaidhean, dòighean-obrach agus siostaman mar bu chòir, a rèir riatanasan reachdail agus builichte gu h-iomchaidh, agus ùrachadh phoileasaidhean aontachadh.
•  Measadh a dhèanamh air cunnartan agus èifeachdas MG ALBA fhèin, a’ gabhail a-steach na chaidh a chuir an sàs le na manaidsearan a thaobh eaconamaidh, èifeachdas agus buaidheachd no Luach an airgid

Aithisgean

Bidh an luchd-obrach a’ cuartachadh geàrr-chunntasan na Comataidh gu gach ball de MG ALBA.

Is e dleastanas Comataidh Lèirsinn beachdachadh air treandaichean agus cuideaman san raon a-muigh agus comhairle a thoirt don Bhòrd air cùisean a tha riatanach airson Lèirsinn foillsichte MG ALBA a choileanadh, a’ gabhail a-steach leantainneachd, cruth-atharrachadh, meadhanan didseatach agus ro-innleachd dhaonna.

Stèidheachadh agus Ballrachd

• Coinneachadh gach ràithe.
• Ballrachd: co-dhiù triùir bhall.
• ’S e neach-obrach a bhios na Rùnaire air a’ Chomataidh.

Dleastanas

Tha dleastanas Comataidh Lèirsinn mar a leanas:

• Beachdaich agus comhairle a thoirt don Bhòrd air freagairt MG ALBA a thaobh cànain, treandaichean mheadhanan agus teicneòlais, agus prìomh chomharran dèanadais a’ Bhùird a stèidheachadh.
• Beachdaich agus comhairle a thoirt don Bhòrd air gnothaichean luchd-ùidh.
• Ath-sgrùdadh cunbhalach a dhèanamh air sgilean, eòlas, agus iomadachd a’ Bhùird agus molaidhean a thoirt don Bhòrd agus do dh’Ofcom.
• Cumail sùil air feumalachdan ceannardais na buidhne agus sùil a chumail, às leth a’ Bhùird, air fastadh agus cur an dreuchd an Àrd-Oifigear.
• Beachdaich agus comhairle a thoirt don Bhòrd air:
  • Ro-innleachd dhaonna agus Plana Luchd-obrach bliadhnail.
  • Co-ionannachd, Iomadachd & In-ghabhalachd an luchd-obrach & bòrd.
  • Poileasaidhean fastaidh, dhaonna agus tuarastail.

Cumhachdan

Faodaidh a’ Chomataidh, aig cosgais na companaidh, aithisgean neo-eisimeileach fhaighinn mar a dh’fheumar agus faodaidh iad taic speisealta fhastadh mar a dh’fheumar.

Coileanaidh cathraiche na Comataidh dreuchd a’ Chathraiche an Gnìomh mura h-eil an Cathraiche ri fhaighinn airson ùine ghoirid no mura h-urrainn dha an dleastanasan a choileanadh. Thèid an ùine a thathar a’ meas, ma tha fios air, a thaobh nan uallaichean seo a chur an cèill do dh’Ofcom agus don luchd-ùidh iomchaidh uile. Mar Chathraiche an Gnìomh, bidh Cathraiche na Comataidh a’ coileanadh na h-uile gnìomhan mar as trice a bhuineas don Chathraiche a’ gabhail a-steach, ach gun a bhith cuibhrichte gu, an fheadhainn a tha air am mìneachadh anns na Riaghailtean Ionmhasail, Gnàth Riaghailtean agus Sgeama Tiomnachaidh is Rianachd.

Aithisgean

Bidh an Rùnaire a’ cuairteachadh geàrr-chunntasan na Comataidh gu gach ball de MG ALBA