Seirbheisean Co-òrdanaiche Pròiseict
17 Giblean 2024
- Tha MG ALBA a’ toirt cuireadh dhuibh tagradh a chur a thaobh solar nan seirbheisean gu h-àrd.
- Tha dùil gun tòisich seirbheisean bho 6 Cèitean 2024.
- Feumar do thagradh a chur a-steach tro phost-d gu tender@mgalba.com
- Feumaidh tagraidhean ruighinn ro 2f air 29 Giblean 2024. Is dòcha nach tèid beachdachadh air tagraidhean a thig a-steach às dèidh seo.
- Chan eil e mar fhiachaibh air MG ALBA gabhail ri tagradh sam bith a gheibhear.
- Bu chòir ceistean a chur gu tender@mgalba.com
Cùl-fhiosrachadh
Tha sibh a’ faighinn cuireadh a dhol gu www.mgalba.com airson tuilleadh fiosrachaidh mun chompanaidh.
Tha MG ALBA a’ fastadh còrr air 40 neach-obrach. ’S e a phrìomh obair a bhith a’ coimiseanadh susbaint mheadhanan lèir-chlaistinneach bho chompanaidhean riochdachaidh mheadhanan agus a’ ruith na seirbheis lèir-chlaistinneach Gàidhlig BBC ALBA ann an co-obrachadh leis a’ BhBC.
Seirbheisean air an sireadh
Tha grunnan phròiseactan inntinneach san amharc aig MG ALBA agus feumar Co-òrdanaiche Pròiseict gus cuideachadh ann a bhith a’ lìbhrigeadh nam pròiseactan sin gu soirbheachail.
Bidh an Co-òrdanaiche Pròiseict a’ cruthachadh agus a’ rianachd plana a’ phròiseict agus a’ buidseatadh airson grunnan phròiseact beag a bhios a’ gabhail a-steach co-òrdanachadh luchd-obrach MG ALBA, tàlant on taobh a-muigh, agus luchd-comhairleachaidh gus stiùireadh a dh’ionnsaigh prìomh chlachan-mile agus libhrigeadh.
Is iad na prìomh sgilean agus an t-eòlas a dh’fheumar airson nan seirbheisean sin:
- Eòlas air a bhith ag obair thar sgiobaidhean ioma-dhiosaplain;
- Sùil air mion-fhiosrachadh agus deagh sgilean rianachd agus stiùireadh phròiseactan;
- Bun-sgilean cruthachaidh buidseat agus rianachd phròiseict;
- Eòlas air Co-òrdanachadh Riochdachaidh no Rianachd Pròiseict;
- Eòlas air rianachd bun-phròiseas an dèidh riochdachaidh;
- Fiosrachadh mu chòraichean lèir-chlaistinneach & modhan-obrach cartaidh;
- Comas a bhith a’ toirt sgioba ri chèile airson an èifeachdas as motha; agus
- Comas a bhith ag ullachadh agus a’ dol an sàs le HR a thaobh cùmhnantan geàrr-ùine.
Tha sgilean Gàidhlig miannaichte.
Clàr-ama
Bidh an cùmhnant a’ tòiseachadh air 6 Cèitean 2024 agus a’ tighinn gu crìoch air 16 Lùnastal 2024. Thathar a’ sùileachadh gum bi am bun-dhleastanas cuibheasach 2 là san t-seachdain.
Riaghladh Cùmhnant
’S iad prìomh luchd-conaltraidh a’ chùmhnaint seo Ceannard Cruth-atharrachaidh Didseatach agus Stiùiriche Susbaint MG ALBA
Prìsean
Tha MG ALBA air suas ri £9,000 (ex VAT) a chuir an dàrna taobh airson a’ chùmhnant.
Ceistean agus Tagradh
Cha bu chòir tagraidhean a bhith nas fhaide na 1 duilleag, gun a bhith a’ toirt a-steach briseadh sìos cosgais no teisteanasan.
Faodaidh tu do thagradh a chur a-steach anns a’ chruth as freagarraiche dhut (me Microsoft Word, PowerPoint msaa).
Is dòcha gun tèid cuireadh a thoirt dhut coinneachadh ri riochdairean MG ALBA gus beachdachadh air an tagradh agad, às dèidh a’ cheann-latha dùnaidh.
Feuch an cuir thu a-steach ceistean sam bith co-cheangailte ris a’ chuireadh seo air post-d gu tender@mgalba.com