Tha BBC ALBA a’ sireadh smuaintean cruthachail is inntinnich bho sgrìobhadairean Gàidhlig airson sgeama geàrr-dràma chloinne an Aonadh Craolaidh Eòrpach (EBU).
Tha seo mar phàirt de thaisbeanadh cliùmhor eadar-nàiseanta airson nam filmichean chloinne as fheàrr san Roinn-Eòrpa agus thall thairis.
- Cuspair: ‘Buinteanas’
- Fad craolaidh: 15 mionaidean
- Luchd-amais: Clann eadar 6-9 bliadhna a dh’aois
- Sgioba-cluiche: Clann aig cridhe an dràma
- Stoidhle: Dathach, tarraingeach le nas lugha de chòmhradh ’s a ghabhas
- Àrd-amas: Bu chòir do bheachdan a bhith cho mac-meanmnach ’s a ghabhas ach cuideachd comasach a choileanadh air buidseat cuingealaichte. Mar sin, sgrìobh le sgioba-cluiche beag nad inntinn agus seachain special effects
- Feumaidh còraichean co-cheangailte ri beachdan sgrìobhadairean a bhith fosgailte dha MG ALBA no companaidh neo-eisimeileach airson an ceannach
- Cruth: Feumar am beachd a chuir a-steach ann an cruth ghoirid (chan e an sgriobt air fad), dà dhuilleag aig a’ char as fhaide
- Bu chòir na tagraidhean a chur gu: bbcalbacommissioning@bbc.co.uk
- Ceann-latha: 1700 air 27.01.23
Bidh Àrd-Riochdaire fhèin aig an EBU a bhios ag obair le na sgrìobhadairean agus ceannard na seanailean anns gach dùthaich. Bidh cuideachd Àrd-Riochdaire aig BBC ALBA.
Tha barrachd fiosrachaidh mun sgeama agus eisimpleirean de dh’filmichean agus sgriobtaichean bho bhliadhnaichean eile ri faotainn.
Ma tha fiosrachadh eile a dhìth an-dràsta cuir fios thugam aig bill.macleod@mgalba.com no air 07900 217 302.
