Mu
’S e seanail àrd-amasach, a bhuineas don là an-diugh agus don là a-màireach a th’ ann am BBC ALBA leis a’ Ghàidhlig aig a cridhe: ar daoine, ar cànan, ar cultar, ar saoghal. Tha ar sealladh farsaing agus tha sinn airson sgeulachdan innse a thogas ùidh is aire choimhearsnachdan air feadh Alba agus air feadh an t-saoghail. Tha miann sgeulachdan innse a thogas dàimh le luchd-coimhid, anns an urrain dhaibh earbsa a chuir agus a tha mar sgàthan air farsaingeachd am beatha.
An turas-sa tha ar n-aire air stuthan aithriseach. Susbaint làn spionnadh a bheir buaidh gu h-ionadail is gu h-eadar-nàiseanta. Tha an dà chuid brìgh a’ bheachd, agus an dòigh anns an tèid a chuir an cèill, air leth cudromach dhuinn. Cuiridh sinn fàilte cuideachd air tagraidhean a tha a’ toirt ionmhais a bharrachd nan cois air neo aig am bheil comas sin a dhèanamh.
Cinn-Là Thagraidhean
Bu chòir na tagraidhean agaibh agus ceistean mu nì sam bith anns a’ chuairt coimiseanaidh seo a chur gu Claire NicDhòmhnaill: bbcalbacommissioning@bbc.co.uk
Prìomhachasan Coimiseanaidh
Gnèithean
Tha sinn a’ sireadh stuth aithriseach agus cur-seachad a tha àrd-amasach.
Chan eil prògraman ciùil a dhìth an turas-sa agus cha toir sinn prìomhachas do thagraidhean air cuspairean eachdraidheil ach a-mhàin mura bheil cruth ùr-nòsach oirre, air neo gu feumar an dèanamh an-dràsta/ gu bheil cothrom dearbhte ann air taic airgid a bharrachd.
Prìomhachasan Clàir
Tha sinn a’ sireadh phrògraman a bheir buaidh anns a’ chlàr agus a ghlacas aire air iPlayer.
Tha sinn a’ sireadh bheachdan cuideachd a b’ urrainn obrachadh ann an clàr ceann-bliadhna 2023/24. Saoil dè na rudan a bheireadh daoine, thar nan ginealachdan, cruinn còmhla. Ma rinneadh roimhe e, cha bhiodh sinn ag iarraidh tionndadh eile air am-bliadhna.
Dreach Agus Fad
Gabhaidh sinn tagraidhean airson prògraman fa-leth air neo sreathan goirid. Tha sinn sùbailte a thaobh fad ach le ùidh shònraichte ann an 60, 30 agus suas gu 10 mionaidean. Lùigeadh sinn tagraidhean fhaicinn a tha a’ toirt feairt air mar a dh’fhaodadh fad is cruth a chleachdadh airson stuthan ùra a dhealbh agus a lìbhrigeadh gu h-àraidh mu choinneimh feumalachdan iPlayer. Bu chòir coimhead air cruthan-goirid mar dhòigh air tiotalan ùra a stèidheachadh, chan ann mar rud a lìonas beàrn sa chlàr.
Aig a’ cheann eile ge-ta, beachdaichidh sinn air tagraidhean àrd-amasach airson pròiseactan aithriseach a sheasas suas gu 90m agus a dh’fhaodadh nochdadh san taigh-dhealbh neo aig fèisean mas tigeadh iad gu clàr TBh. Bhiodh dùil gun tigeadh an leithid le ionmhas a bharrachd, air neo plana dearbhte airson a leithid fhaighinn, nan cois.
Tagraidhean
Maoin Susbaint Craolaidh Alba Chruthachail
Tagraidhean Cuairt Coimiseanaidh
Bu chòir na tagraidhean agaibh agus ceistean mu nì sam bith anns a’ chuairt coimiseanaidh seo a chur gu Claire NicDhòmhnaill: bbcalbacommissioning@bbc.co.uk
