CUAIRT COIMISEANADH GEAMHRAIDH BBC ALBA 2024/25

’S e seanail adhartach a bhuinneas don là an-diugh a th’ ann am BBC ALBA le Gàidhlig aig a cridhe. Tha ar sealladh farsaing, agus tha ar n-amasan mòr. Tha sinn airson luchd-amhairc air feadh Alba agus nas fhaide air falbh a ghluasad agus a bhrosnachadh le sgeulachdan làidir daonna agus seallaidhean gun samhail. Tha sinn a’ lorg bheachdan sgairteil agus dàna. Siuthadaibh, cuiribh iongnadh oirnn!

Tha an gairm seo ag amas air beachdan aithriseach. Tha sinn a’ sireadh mholaidhean airson prògraman dàna is gaisgeil a bhuannaicheas luchd-amhairc farsaing – a bharrachd air beachdan a dh’fhaodas aithne chudromach a choileanadh don t-seanail. Tha càileachd a’ bhun-bheachd agus a choileanadh cruthachail bunaiteach dhuinn. Ged nach eil co-mhaoineachadh riatanach, chuireadh sinn fàilte air beachdan le com-pàirtichean dearbhte eile, no aig a bheil comas sin a thàladh.

• Tha a’ chuairt seo ag amas air prògraman is urrainn a cho-lìonadh ann an 2025.
• Ceann-là airson beachdan – Diluain 6 Faoilleach 2025, 5f
• Ceann-là airson co-dhùnaidhean MG ALBA/BBC – Dihaoine 24 Faoilleach 2025, 5f

Bu chòir na tagraidhean agaibh agus ceistean mu nì sam bith anns a’ chuairt coimiseanaidh seo a chur gu Jennifer NicChoinnich: bbcalbacommissioning@bbc.co.uk

GNÈITHEAN

• Tha sinn a’ sireadh beachdan aithriseach agus cur-seachad a tha àrd-amasach. Chuirear fàilte gu h-àraidh air prògraman le caractaran làidir agus sgeulachdan co-cheangailte ri na cuspairean a th’ air bilean an t-sluaigh.
• Tha sinn cuideachd a’ coimhead airson beachdan aithriseach ann an cruth goirid agus cur-seachad a tha ag amas air deamografach 16-35 airson fhoillseachadh didseatach an toiseach.
• Ged a tha an doras fosgailte do phrògraman aithriseach mu cheòl chan eil sinn a’ sireadh molaidhean a tha gu ìre mhòr nan taisbeanaidhean le còmhdach fìrinneach. Ach tha fàilte air prògraman aithriseach fad-ùine, àrd-ìre a bhios a’ lìbhrigeadh gach cuid aig ìre thèatar agus craolaidh.
• Anns a’ chuairt seo chan eil sinn a’ toirt prìomhachas do chuspairean eachdraidheil.

Tha sinn a’ sireadh bbeachdan sònraichte, tarraingeach airson a’ chlàr loidhneach aig prìomh àm a bheir buaidh cuideachd air iPlayer.

Tha fàilte cuideachd air beachdan didseatach cruth goirid.  Tha sinn a’ sireadh dhòighean-obrach ùr-ghnàthach a thaobh mar a tha susbaint air a phacaigeadh agus air a thaisbeanadh do luchd-amhairc nas òige (16-35), biodh e mar shusbaint iPlayer-an toiseach, airson BBC ALBA YouTube no airson an t-seanail loidhneach.  Tha buaidh cudromach. Bu chòir prògraman cruth goirid a bhith air am faicinn mar shusbaint làidir annta fhèin, chan e airson a bhith a’ lìonadh a’ chlàir.  Bidh mìneachadh soilleir air an luchd-amhairc air a bheileas ag amas, stoidhle susbaint agus gràmar cruth goirid eile riatanach airson coimisean.

Tha sinn fosgailte do mholaidhean airson prògraman singilte agus sreathan goirid.  Feumaidh prògraman singilte sealltainn mar a tha iad sònraichte le smuaintean air mar a nithear margaidheachd làidir.

Gabhaidh sinn dòigh-obrach sùbailte a thaobh faid. Is e am prìomh rud gu bheil an cruth a’ freagairt air a’ phrìomh mholadh agus nach eil e air a leudachadh gu fad neo-riaghailteach.

Beachdaichidh sinn air prògraman aithriseach singilte feature length (a’ gabhail a-steach a’ ghnè ciùil) aig a bheil cearcall-beatha cinematic/fèille mus nochd iad air TBh ​loidhneach.  Thathas an dùil gum bi co-mhaoineachadh aig prògraman aithriseach mu thràth no gum bi plana ionmhais co-mhaoineachaidh creidsinneach na àite.

• Thoir dhuinn iomradh goirid cruthachail mu aon duilleag A4 gach prògram, le tiotal (Gàidhlig is Beurla), an sgeulachd ann an seantans, fios mun dreach, agus samhla air ìomhaigh airson iPlayer.
• Tha cuideachd fiosrachadh mu phrìomh thàlant le ùidh dearbhte sa phròiseact a dhìth cuide ri fiosrachadh mu chothroman meadhanan didseatach.
• Seall gu bheilear air smaoineachadh mu ùidh luchd-amhairc a thogail anns a’ phrògram tro phàipearan-naidheachd, na meadhanan sòisealta agus meadhanan-craolaidh eile.
• Cuiridh sinn fàilte air blas bhidio de na prògraman – riatanach ma tha sibh a’ moladh tàlant ùr.
• Faodar cothrom a thoirt dhuibh am moladh a chuir sibh a-steach a leasachadh tro chòmhradh le coimiseanairean.
• Thèid prìomhachas a thoirt do thagraidhean a tha a’ toirt feart air cothroman airson maoineachadh a bharrachd leithid, ach chan e a-mhàin, iad seo:

Maoin Susbaint Craolaidh Alba Chruthachail

https://www.creativescotland.com/funding/funding-programmes/targeted-funding/screen

Creideasan Cìse BFI

https://www.bfi.org.uk/supporting-uk-film/british-certification-tax-relief