COTHROMAN DRÀMA GOIRID AGUS AITHRISEACH CHLOINNE 2025

Tha BBC ALBA air leth toilichte aon uair eile a bhith ann an com-pàirteachas leis an EBU (Aonadh Craolaidh na h-Eòrpa) co-cheangailte ri prògraman dràma goirid agus aithriseach chloinne. Nì gach companaidh soirbheachail aon dràma agus/no prògram aithriseach 15-mionaid a thèid a cho-roinn agus a chraoladh air feadh na Roinn Eòrpa.

Is e cothrom cruthachail sònraichte a tha seo dha sgrìobhadairan, stiùirichean agus riochdairean. Bidh an sgeama a’ tabhann comhairleachadh bho phrìomh dhaoine sa ghnìomhachas a thuilleadh air deasbad, taic agus fios air ais bho luchd-dèanamh fhilmichean Eòrpach eile. Bidh filmichean air an dèanamh mar phàirt den phrìomh thaisbeanadh eadar-nàiseanta seo gu cunbhalach a’ dol air adhart gu bhith a’ cosnadh dhuaisean air feadh an t-saoghail.

Os-shealladh

• Cuspair: “A’ buintinn”
• Fad: 14’45”
• Luchd-amhairc: Aois 8-12
• Castadh: cleasaichean cloinne le Gàidhlig aig cridhe na sgeòil.
• Gnè: Tha sinn fosgailte do gach gnè a tha tarraingeach do luchd-amhairc òg, agus a tha iomchaidh airson aois.
• Stoidhle: Cinematic agus air a ghearradh gus leigeil le tionndadh gu cànanan eile

Clàr-ama

• Coinneamh buidhinn sgriopt – tràth sa Chèitean 2025
• Riochdachadh – Iuchar/Lùnastal 2025 (saor-làithean sgoile)
• Lìbhrigeadh gu EBU/BBC ALBA – deireadh an Dàmhair 2025
• Coinneamh sgrìonaidh – tràth san Dùbhlachd 2025
• Craoladh air BBC ALBA – Nollaig 2025

Maoineachadh

• Bidh maoineachadh suas gu £80,000 bho MG ALBA airson an tagradh dràma soirbheachail

Os-shealladh

• Cuspair: “Is urrainn dhomh a dhèanamh!”
• Fad: 14’45”
• Luchd-amhairc: Aois 8-12
• Castadh: Nighean no balach le Gàidhlig (gun a bhith nas sine na 12) aig cridhe na sgeòil agus bu chòir dhaibh sgeulachd mu dhùbhlan pearsanta innse nam faclan fhèin le glè bheag de chuideachadh bho inbhich.
• Stoidhle: Cinematic, observational agus air a ghearradh gus leigeil le tionndadh gu cànanan eile

Clàr-ama

• Coinneamh buidheann riochdachaidh air-loidhne – Màrt 2025
• Riochdachadh – Iuchar/Lùnastal 2025 (saor-làithean sgoile)

• Coinneamh rough-cut – Sultain 2025
• Lìbhrigeadh gu EBU/BBC ALBA – deireadh an Dàmhair 2025
• Coinneamh sgrìonaidh – tràth san Dùbhlachd 2025
• Craoladh air BBC ALBA – Nollaig 2025

Maoineachadh

• Bidh maoineachadh de £16,000 bho MG ALBA airson an tagradh program aithriseach soirbheachail

• Tha Àrd-Riochdairean fhèin aig an EBU airson gach cuid an dràma agus aithriseach a bhios mar phàirt den chiad phròiseas taghaidh agus a bhios ag obair còmhla ris na sgiobaidhean riochdachaidh soirbheachail
• Tha feum aig an EBU air còraichean agus cead air feadh an t-saoghail airson 10 bliadhna agus còraichean eile a tha a’ ciallachadh gu bheil an cùmhnant neo-àbhaisteach
• Às dèidh craoladh bithear an dùil gun cuir an riochdaire am film a-steach airson farpais air cuairt na fèise eadar-nàiseanta (deich tagraidhean aig a’ char as lugha)
• Tha an tuilleadh fiosrachaidh agus eisimpleirean de dh’fhilmichean bho bhliadhnaichean roimhe rim faighinn
• A thuilleadh air maoineachadh MG ALBA, tha sinn an dùil gun cuir a’ chompanaidh shoirbheachail a-steach iarrtas maoineachaidh gu Sgrìon Alba agus airson creideasan cìse Prògram TBh Cloinne na RA.

Sgrion Alba: https://www.screen.scot/funding-and-support/funding

Faochadh chìsean (tro theisteanas creideasan cìse BFI): https://www.bfi.org.uk/apply-british-certification-expenditure-credits/cultural-test-childrens-television-programmes

• Airson dràma, feuch an cuir sibh a-steach co-dhiù dà bheachd sgeulachd mar phàirt den tagradh agaibh. Bu chòir gum bi iad seo dà dhuilleag aig a’ char as fhaide agus thathas ag iarraidh geàrr-iomradh agus chan e sgriobtaichean air fad
• Ged a tha sinn a’ brosnachadh chom-pàirtichean ùra, faodaidh sgrìobhadairean dràma soirbheachail bho bhliadhnaichean roimhe seo cur a-steach.
• Airson prògram aithriseach, feuch an cuir sibh a-steach co-dhiù dà bheachd sgeulachd/cuspair mar phàirt den tagradh agaibh. Bu chòir gum bi ruidhlichean castaidh de na caileagan/balaich a tha san amharc air am filmeadh air fòn-làimh.
• Beachdaichidh sinn air cuspairean bho chuairt tagraidh aithriseach na bliadhna an-uiridh fhad ‘s nach bi iad nas sine na 12 bliadhna a dh’aois aig àm filmeadh.
• Airson gach cuid dràma agus aithriseach, feuch an cuir sibh cuideachd geàrr-chunntas air eòlas riochdachaidh agus comharra air prìomh thàlant.
• Thoir an aire gum feum na sgrìobhadairean agus na stiùirichean a tha ceangailte ris a’ mholadh a bhith nan luchd-labhairt na Gàidhlig, a bharrachd air na cleasaichean/clann air an sgrion.
• Ged a dh’iarras sinn gun tèid tagraidhean a stiùireadh tro chompanaidhean, tha sinn a’ tuigsinn a thaobh dràma nach bi ceanglaichean aig a h-uile sgrìobhadair san roinn riochdachaidh – agus mar sin feuchaidh sinn ri dàimhean a thogail. Bu chòir do sgrìobhadairean le ùidh fios a chuir gu Bill Macleòid aig an t-seòladh post-d gu h-ìosal ro cheann-latha an tagraidh.
• Faodaidh companaidhean tagradh a dhèanamh airson sgeamaichean dràma no aithriseachd – neo an dà chuid.
• Ceann-là airson tagraidhean – 31.01.25 @ 1700
• Co-dhùnadh coimiseanaidh – 21.02.25
• Bu chòir tagraidhean a chur gu: bbcalbacommissioning@bbc.co.uk
• Ma tha ceist sam bith agad cuir fios gu macleod@mgalba.com